Refrein:
Loat 'm goan, blief neet stoan, drie daag goan wae noe op paad.
Loat 'm goan, blief neet stoan, auch al weurtj 't nog zo laat.
Want jonk en oad in 't Kwiebusriek, die zeen den ein, wie altied bliektj.
Kom, pakj uch noe ins vast, en deen toch neet tot last.

Wae vere drie daag op ein riej 't fiëst det vasteloavendj hetj.
Wae veule os den vrie en bliej, niks waat os det beletj.
Want vasteloavendj duit zo good, de kriebel zitj den in 't blood.
De zorg zeen vanna baan, joa, wae goan duchtig draan.