Es iech weer las vaan kramp krijg in mien kute,
en kump mie lief get lestiger op gaank,
vaan stress geit mie linker uurke tute,
daan dink iech: 'Haw d'ch eve in bedwaank'.

Refrein:
Laot mer lekker goon zoe wie 't geit,
leef zoe wie de wind de jeske weit.
Kallem aon mèt leve doorgoon.
Spooje, dat is niks gedoon.

Iech leef zoelang mien veuj miech wèlle drage,
daan vèlt 't achteraof mesjiens wel mèt.
Get lekker leve zow toch mote mage,
dus takel iech mien prei mer weer oet bèd.

De mós neet aon d'n zörreg zitte dinke,
want zörreg koume altied oonverwachs.
De kins beter veur d'n doors e pèlske drinke.
De bis gewoen väöl sjoender este lachs.