Laotj mer gaon
Tekst:
Thieu de Leeuw & Peter Feijen
Muziek:
Had Geurtjens
Artiest:
Thieu en Peter
Plaats:
Ospel
Refrein:
Ederein es op de bein umdet het vastelaovundj es.
Laotj mer gaon 't es niks gedaon um langs de kantj te blieven staon.
Auch de raod, dae kumtj dur aan en sloetj dur uch mer achteraan.
Dus laotj mer gaon, 't es niks gedaon um langs de kantj te blieven staon.
Vae kome oet het Vlikkenlandj, jao, det es un geluk.
Dao gaon vae same handj in handj, dao es het altied drûk.
Vae hosse en vae springe en rijje gaer de baer,
en tussen door wat drinken, det deut de Vlik zoë gaer.
Al komdje auch vanoet de pieël of zeeje van dun dieëk,
same zeen vae ein gehieël en veule os gelieëk.
Vae wille os amuzere en gaon oet oze bol.
Vastelaovundj vere, det haoje vae veer daag vol.