Refrein:
Later, as ich groeët bin moog ich saovus auch op stap.
Vastelaovundj vere zoee wi-j noow, oees pap en oees mam.
Ich ligk heej in miën betje en ich droum dao noow al van.
Zal mich dan auch schoeën verklei-je, jao, det bin ich vast van plan.

Mer es wat vör de klein te doon, dan gaon ich dao waal haer.
Met de jeugdpreens hosse in de Poort, det doon ich gaer.
Verklei-j mich dan as kloon of zoee, det ving ich hieel fein.
Di-j Wieërter litjt's en 't plezeer, det es auch vör de klein.

Pap, dae zieët: 'Dich bes nog joonk en te klein vör in 't kefee''.
Mer ich waas toch waal hieel gaer vanaovundj dao es beej.
Ich aet noow eedere daag auch goot spruutje's en greun moos.
En as ich noow al keeze kos, dan wis ich waat ich koos.

En kieek ich nao oees Mam en Pap, di-j gaon wis saovus laat.
Ze kaome saame uut de stad en Pap, dae es wat zaat.
Ze lach völ en hebbe lol, det huuer ich heej goot.
Aan later dink ich noow al dek , det geuft mich gooi-je moot.