Zoondigaovend bin iech in 't MECC gewees. (Ole, ola)
Jonges, dat waor miech weer e fees. (Ole, ola)
Iech had miech nog jus op tied 'n kaart gehaold. (Ole, ola)
En höb daor veul geld veur betaold. (Ole, ola)
In dee groete zaal, daor stonte zeker 16.000 maan. (Ole, ola)
En iech hijj, gek, iech waor daor eine vaan. (Ole, ola)
't Waor allang 8 oor gewees, mer de ster vaan d'n aovend leet ziech mer neet
zien, want heer waor veul euver tied, (Ole, ola)
't Pebliek begos te joele en te wringe en iech kraog langzaam sjpiet. (Ole, ola)

En iech zegk uuch jonges !!!

Refrein:
't Begos mer neet (begos mer neet), 3x
nein, 't fees begos mer neet.
Boe bleif dee noe (bleif dee noe), 3x
och, boe bleif dee kerel noe?
't Begos mer neet (begos mer neet),
Wee leet dee sjeet (weet iech neet)
't Begos mer neet (begos mer neet),
nein, 't fees begos mer neet.
Want 't waor de leefde (waor de leefde), 3x
't waor de leefde veur meziek.

V'r stoonte mer te wachte en de show begos mer neet. (Ole, ola)
Vaan erremooj zonge v'r same 'n hiel bekind voetballeed. (Ole, ola)
Mer inins vele de gordijne, de meziek knalde oet de speakers en daor stoon heer
eindelijk op 't podium. (Ole, ola)
In 'n zijje Armani-pekske, unne groete hoed op en 'n Rolex met brilliante um.
(Ole, ola)
't Pebliek, dat woord hardstikke gek. (Ole, ola)
De vrouwluij zaote bijj de mansluij in de nek. (Ole, ola)

Dat waor miech 'n belevenis, geer hub miech toch wel get gemis.

Refrein:
Want heer zong vol vuur. (zong vol vuur) 3x
Ach, waat had dee kerel vuur.
En ammezuur, (aaaammezuur) 3x
och, wat had heer ammezuur.
't Waor de leefde (waor de leefde), 3x
want 't waor de leefde veur meziek.

Kinder, och wat waor dat sjoen. (Ole, ola)
Iech had 't neet wille misse, neet veur 'n millioen. (Ole, ola)
De daag denao had iech platveuj vaan 't stoon en unne steive nek. (Ole, ola)
Mer dat hub iech d'r veur euver, want 't waor te gek. (Ole, ola)
Veer hadde allemaol veul plezeer. (Ole, ola)
Es 'n aander ster kump, nou, daan gaon iech weer. (Ole, ola)

Want geluif miech jonges !!!

Refrein:
't Waor te gek (waor te gek), 3x
't waor te gek daor in 't MECC.
Daor in 't MECC (in 't MECC) 3x
't Waor te gek daor in 't MECC.
't Waor de leefde (waor de leefde), 3x
't waor de leefde veur meziek.