Es kindj wol ich waere, zoea wie miene pap.
Unne vrachwage besture, en 't leefs un bietje rap.
Joa, ich wis 't zeker, chauffeur waer ich auch.
Draumde van unne zwoare truuk, mèt zwarte dieselrouk.
Mer ich kreeg unne wage, op aafstandj bedeendj.
Zoea waerde ich toch weer 'ns door mien aajers verwindj.

Refrein:
Leever un mös inne handj es un doef op 't daak.
Kleiner is dök groter es men dink.
Leever un mös inne handj es un doef op 't daak.
't Laeve is dök sjoner es 'ne draum. (2x)

Ich draumde mich get aaf, draumde mich vanne zök.
Miene naam inne gezèt, hiël diek gedrök.
Ich broekde unne trèkzak, zoea how ich gedach.
Zonne zelfde wie dae van pap, mèt diamant belag.
Mer eigelik woor dae get duur, en auch nag get groeat.
Dae van mich waerde get kleiner, woor neet zwart mer woor roead.

Joa, fantasie how ich genog,
eeder nach ging ich weer op zeuk noa 't echte gelök.
Onger mien dèkes draumde ich zoea dök.
God zij dank kwaam ich 's morges weer in 't laeve terök.