Refrein:
Ik zoel zoëgaer ens letste in d’n optoch zien
det heb ik noeits gedaon.
Dan kniép mich in d’n erm of ik druim misschien
as ik op dae wage staon.
Zoë door de stad det ganse stök,
det gebeurt dich neet zoë dök.
Ik zoel zoëgaer ens letste in d’n optoch zien,
waat heb ik dan gelök.

Fine:
Ik zoel zoëgaer ens letste in d’n optoch zien,
dan heb ik pas gelök.

Koeplet 1:
Ik win de vetste priéze, in minnig loëterie.
En anders waal mit toepe, det win ik steeds opnie.
Bin iërste in ‘t hebbe van gelök,
maar iërste och det waer ik al zoë dök.
En daorum wil ik gaer, det ik ens letste waer.

Koeplet 2:
Ik kreeg al ens as faatse, de Veldeketrofee.
Deej mei mit groëte groepe, de moeiste ware weej.
Mit wages bouwe had ik al succes.
Die priéze ach die vind ik aevel bes.
De moeiste priés vind ik, is dae dae nog ôntbrik.