Leve de zon
Refrein:
Iech wel leve, in de zon,
weg met al dee maonesjien
noets maag 't mie duuster zien
iech wel leve, in de zon
't leve leek ein groete nach,
mehr diech höbs miech ut leech gebrach
en iech leef weer onder de zon.
Diech en miech, veer waore altied same.
Mehr diech en iech, veer ginge oeterein.
Mehr diech zals sjus wie iech moote beame,
wie zon en maon, zoe huure veer bieijn.
Diech laogs sjus wie miech allein te slaope,
d'zaots sjus wie miech allein aon ut ontbeit.
Mehr sjat, veer waore toch veur ein gesjaope,
kom, maake veer un ind aon al us leit.
Zonder zonleech kin 'n mins neet leve,
want zoonder zon is 'ne mins niks weerd.
Dus laote veer us alles mehr vergeve,
en leve aon de zonziij vaan dees eerd.
Laatste refrein:
Iech wel leve, in de zon,
weg met al dee maonesjien
noets maag 't mie duuster zien
iech wel leve, in de zon
't leve leek ein groete nach,
noets gedach en noets verwach,
diech höbs miech ut leech gebrach
en iech leef weer onder de zon.