Liefde vur 't leave

Tekst: 
Jack Poels
Muziek: 
Jack Poels
Artiest: 
Rowwen Hèze
Album: 
'Hemel op aarde’ - RHAM
Plaats: 
America
Jaartal: 
2013

De groete vroag vandaag:
woar giet 't nou wir hin
in mien hart of dor de maag
mar vur ik mien verhaal begin

ik waas chagerijnig opgestoan
mien autosleutels wir 's kwiet
niks um vanoavend hin te goan
ik zaat gewoen de ganse tied
rustig wat te wachte, wat te drinke
roeie port als ik meej ni vergis
net toen ik de oavend af woj vinke
toen kreeg ik zo'n geveul wat d'r soms is

alsof d'r urgens iets gebeurt
dat ge wet ‘ik bin neet allien’
iets wat dor de kamer zeurt
dat ge denkt: ‘wat kan dat zien’
mar ik wos: ‘ik gaj d'r neet nar zeuke’
en metien toen ik dat haj beslist
huurde ik wat achter in de keuke
ik docht: ‘nou wil ik wiete wat dat is’

't vulde hiel dichtbeej
iets lichts wat um meej hing
alsof 't zocht nar meej
toen mien hart wat sneller ging

op volle kracht kwaam 't nar binne
't leek of dat 't alles van meej wist
‘ik bin gekome um ow te beminne’
ik zei: ‘ik wet precies hoe laat 't is’

want ik zaag de liefde vur 't leave
we hajje elkaar al zoveul joar gemist
toen hebbe we vergeate en vergeave
en geniete we van alles wat d'r is