Loat goan, loat goan
Weer wone hie in Uermend, in wes of in oos,
aan alle bei de kentje, lieje weer geine doos.
Aan alle bei de kentje van 't kanaal,
is altied weer kabaal in cafe of in zaal.
Refrein:
En zeen weer dan bieein, al grwuaat of nog maer klein,
dan zenge veer dit refrein:
Loat goan, loat goan, 't is zwoa gedoan.
Loat goan, loat goan, 't is zwoa gedoan.
Loat goan, loat goan, want veur ze't auch maer wets,
is alles weer gedoan.
Egaal woveur weer fiejaeste, dat maak os niks oet.
In alle joargetieje is hie laeve in de boet.
Joa, ederein is welkom in os dorpke aan de Maas,
en same drenke weer dan mennig lekker glaas.
Noa al die gekke fiejaeste al door 't ganse joar,
zin weer veur 't allergrwuaatste fiejaes, al hiejael vaol waeke kloar.
Joa, mit os Watterratte en mennig glaeske beer,
viere weer dan vasteloavend, doaveur joa, laeve weer.