Refrein:
Laot mer gaon, laot mer gaon, want 't is nog neet gedaon.
Jao, noé kump sjtömming d'rin, kòm, veer make ein begin.
Laot mer gaon, laot mer gaon, want 't is nog neet gedaon.
Gans egaal wie 't zit, ederein deit noé mit.

Kump Vastelaovend in 't landj, sjlete veer same eine bandj.
Veer haole alles oét de kas, 't is weer tiéd veur lol en sjpas.
Jederein op zien maneer, zörgt dan veur de juuste sfeer.
't Ganse dörp krieg dan geweun, de kleure rood en geal en greun.

Veer kòmme langzaam weer op gank, gaon oét de bol, veer weake lank.
Prins en Nar, die gaon veurop, en zètte Sjènne op de kop.
Van Altersjtraot tot Nagelbek is jederein weer eave gek.
In de Soos en in de kroeg zit Vastelaovend in de loeg.

Auch al bès ze soms kapot, leaf dien leave wie 't mòt.
Nörgens woo gesjreve sjteit, dat 't zònger sjpas neet geit.
Dènk's ze dat 't angesj is, dan lup's ze hiël get dènger mis.
Sjpas, plezeer en sjtòmme kal, die vorme same Karneval.