D'r Funs begoos in Oud-Gebrook e hieël klein broen café.
Mèr ach de klante koame neet en funs woar neet tevree.
Hae wol doa get op vinge, lag zich neet zoeë doabie neer.
Doarom deeg hae mit Vasteloavend hasjies in 't beer.
Wat kreege ze 'n kluur, ze zoonge vuur de duur:

Refrein (2x) :
Loat mich noe toch binne, beste Funs.
Vasteloavend hiej te viere is mien wunsj.
Loat mich noe toch binne, estebleef,
want Vasteloavend in Gebrook, dat is mich leef.

D'r Kueb, dae wol op sjtap goa zoonger vrouw en zoonger oer,
en in gedachte sjansde hae en goesjde zich d'r doer.
Hae zag taege zien vrouw: 'Marie, ich goa e sjtröatje um',
en mit 'n dieke buusj op tesj dach hae: wat bin ich sjlum.
Wie 't Kuebke doa zoeë leep, wit gier wat hae doe reep ?

D'r Kueb, dae houw ai sjokkelend de nuedige gehad,
en noa 't letste rundje houw hae zich mèr doa gezat.
D'r Funs, dae dikke kastelein, dae kreeg e bietje floep,
en zat 't zaate Kuebke mit zie glaeske op d'r sjtoep.
Wie 't Kuebke doa zoeë leep, wit gier wat hae doe reep ?