Refrein:
Mèt vastelaovend vier iech vastelaovend.
Geef miech mer klaanke vaan 'n zaate hermenie.
Iech hoof gein tropies zand um in te graove.
Iech hoof gein slei um te rotsje in de snie.
Mèt vastelaovend vier iech vastelaovend.
Geef miech mer danse tot 't aovendleech.
Nog veur gei goud wèl iech mankere.
Mèt vastelaovend blief iech in Mestreech.

Merie zaog lès reklaam op d'n TV.
Veur wieneg cent met twie maan nao LA.
Vol gooje mood had zie de folder opgevraog.
Meh Zjeng zag rizzeluut, wie heer dat beukske zaog:
'Iech wel gein aander stei,
mèt vastelaovend blief iech hei!'