Refrein:
Veer wèlle mèt z'n alle hei naor binne, en dat geit 't bèste op meziek.
Daan hoof d'r boete geine mie te duije, mer goon veer mèt z'n alle tegeliek.
Es veer daan op de maot blieve bewege, oonder d'n errem , gezèlleg oonderein.
Ooch al is 't nog zoe klein; veer koume binne... en goon dao zingend mèt z'n
alle achterein! (2x)

Edere kier weer, daan maak iech 't mèt, es iech örregens naor binne wèl goon.
Tot nog hiel väöl lui dat zjus ooch wèlle doen... en daan op elkaars tiene
stoon.
Es veer noe 'ns zinge en daobei goon danse, mer wèl allemaol tegeliek,
daan kinne veer sjroevelentere... naor binne op de meziek !

Iech höb zoenen doors, m'n han weure klaam en 't zweit brik miech euveral oet.
En iech zeen alle lui veur miech stoon in de reij, 't geit toch zoe laangsem
veuroet.
Mer speul nog e stökske en laote veer zinge en dans noe mer mèt op de maot.
Zoe goon veer weer sjroevelentere... en stoon neet langer op straot !