'n Maedje van De Lange oet de Kampsjtraot in Genhout,
dat zoog de buuj al hange; al ós mansluuj lete 'm koud.
Toen is 't oetgevlaoge nao 't sjoane Heuvelland.
Dat haet 'm neet bedraoge, want Wim Bertram vroog zien hand.
Ach, laot ze mer gewaere, de leefde deeg de res.
Noe zuug ze 'ns regere es prins en es prinses.

Refrein:
Dat is 'n menneke van ós,
dae-t geer es prins van Beumerwald höb maoge liène.
Dat is 'n menneke van ós,
en gelukkig haet d'n drumband gein lang tiène.
Dus is d'r nieks van sjloezigheid of wat nao aafguns ruuk;
meh sjtrak in jannewarie houwe v'r Wim toch gaere truuk.
En dan huit 'r en dan roeffelt 'r d'r op los.
dat menneke, dat menneke van ós.

Dat jungsjke oet 't Heuvelland, dae vóng hie ziene drej,
Al houw hae van ós Beumerwald nog gaaroet gein bezej.
Mit Jenny aan 't henneke en 't sjteekske op de kop.
Zoa löp dat Mechels menneke al 't ganse jaor veurop.
Ach, laot ze mer gewaere, de leefde deeg de res.
Noe zuug ze 'ns regere es prins en es prinses.