Refrein:
Merie, Merie-Thérèse, zie waor bekind en zier bemind in gans de stad.
Merie, Merie-Thérèse, es zie op gaank, waor daan laog ederein weer plat.
Zie waor zoe good en dèks te gek, meh ouch plezereg,
en alle lui die zat zie zoe in vuur en vlam.
Merie, Merie-Thérèse, en zoe verdeende eus Merie häör boterham.

Es 't aovend woort begós zie pas te leve,
want euverdag laog zie tot 3 oor in häör bèd.
Want zie had opnui häör kunste bloet gegeve,
en had allein mer tied veur häör kabarèt.
Jao, zie waor straolend en zoe kós zie ziech pas geve.
Zie leefde dus allein mer veur häör trouw pebliek.
'n Keuningin, dat waor zie 's aovens daan veur eve.
En zoe veult zie ziech de keuning daan te riek.

Meh d'n tied dee vloog veurbij, Merie woort awwer,
en euverdaag kaom zie bekans neet oet häör bèd.
Häör toneel góng achteroet en 't woort flawwer,
en zie waor te aajd veur kunste en ballèt.
Zie woort verdreteg en dao kós zie neet mèt leve,
zie leefde neet allein mie veur häör trouw pebliek.
'n Keuningin van 't toneel, jao, veur 't leve,
en ederein geneet nog zoe vaan dee meziek.