Boe me gaar gein Hollands sprik
Wel e bitsje Frans.
Boe me altied lolleg is
Beij meziek en dans.
Boe me hiel gemoedereerd
Drink ze pötsje beer,
Dao is 't vaajerland vaan de Mestreechteneer (bis)

Boe me vaan dee kale sjiet
Geine mieter kint.
Boe me vaan eus apeland
De sjoenste meidskes vind.
Boe me zoe good leie kint
'ne vreigeleer,
Dao is 't vaajerland vaan de Mestreechteneer (bis)

Boe me wel 'ns fuive geit
Gaw nao Brussel touw.
Boe me gans verstoete is
Door 't roed, wit, blauw.
Boe me z'ch zoe good vertseit
Mèt de Luikeneer,
Dao is 't vaajerland vaan de Mestreechteneer.(bis)

Boe me auch e täölke sprik
Vol vaan geistigheid.
Boe 't hertsje euverlöp
Vaan verdraagzaamheid.
Boe me trouw blijf aon z'n stad
Aon taol vaan peer en meer,
Dao is 't vaajerland vaan de Mestreechteneer.(bis)