Refrein :

Nae nea .. ’n Limburgs maedje dat maakste niks wies
Of die noe 18 is, 40 of gries,
Meinige sjnaak haet daovan ’t bewies ….
Neij ’n ech Limburgs maedje dat maakste niks wies

Couplet 1:

Noe loester ‘ns good, wao dit leedje om geit
Dit is ‘t verhaol van de Limburgse meid
Of dat noe Annie is Truus of Corien
Jao… pak ze dich mer: Nelly of Jacquelien
Geer sjnap dalik bès waal wao om ’t zich drejt:
…Dat ’n ech Limburgs maedje häör menke waal sjteit!!

Couplet 2:

‘t gebeurde hie lèts nog vlak biej om d’n hook
Sjarel trof Nelly en Sjarel dae sprook:
“Nelly, leef maedje, wat bèste toch sjoon,
Veur dich zou ich meinige zunj wille doon“
Zie zag toen “Ja menke, ich höb dich waal door ..”
…doe bès oet op ‘ne sjarrel veur d’r tösjedoor …..!!”

Couplet 3:

Sjaak haw ‘nen “date” op ’t awt wieverbal,
En zag: “Sjatje, koup doe de bònne mer al,
Dan kèn ich nog effekes gaw plasse gaon,
En kiek ich intösje al wao ver gaon sjtaon“
Zie zag toen, “jong höbs doe ze nog nej biej ein?!? “
En van dat moment aaf waor Sjaak weer allein.

Brök
Nae nae nae nae nae , ich zou ‘t mer loate
Nae nae, die hilste neet ver de gek
Nae nae nae nae nae die leet zich neet kloote!!
Jaozeker, dat mirk die drek!