'n Vastelaovesbuuj en zaate hermeniekes,
de raod van elf, de prins en tanzmariekes,
sjpek mit eier en heringe in 't zoer,
mit os leedjes kruuuje veer de vastelaovestoer.

Refrein:
Eder jaor opnuuj enne bontje parapluuj,
os waereldsjtad is drie daag in 'n vastelaovesbuuj.
Veer dreije weer op volle toere,
make heel gaer euveroere.
Gein gezeiver of geklaag,
veer zenge drie daag langk.. Gelaen alaaf

Veer doon weer drie daag aan alles mit,
zenge leedjes en sjtaon same aan 't buffet,
zette alles op de kop van gekkigheid,
totdat de kastelein 't leech oet deit.

Es 't klokske dinsdigaovend twellef oer sjleit,
de buuj weer euver is, ederein heivesj geit,
dan haet de bontje parapluuj zien werk gedaon,
't volgend jaor zal hae besjlis weer aope gaon.