Refrein:
Jao, mit de karnaval bie de Kwakkerte,
dao is get los, dao likke veer van wakker.
Veer gaon dan zeker alledaag d'rop oet.
Mit vastelaovend vunjt óós nemes thoes.
Veer gaon dan zeker alledaag d'rop oet.
Mit vastelaovend vunjt óós nemes thoes.

Het begint óós al te kriebelen es de zomer is gedaon.
Iedeeën kömen veur den daag, veer gaon d'r tegen aan.
Dat züste op de zitting, want die is altied good.
En mit de groate optocht, kump de prinsewagen oet.

Den optocht trekt op zöndig en eederein geit mit.
Van alle kenj hörste muziek, veer zënge de nuje hit.
Prinses en Prins en oach de raod, die züste euveral.
Zao geit dat hie noe drie daag lank, veer whëre allemoal slank.