Refrein:
Ik gaon ni miër, ni miër, ni miër
Mâr ok ni minder.
Vastenaovend kân ni zônder mich!
Ik zeg taege dich: 'Ik bin d’r beej'.
Ik gaon ni miër, ni miër, ni miër,
mâr ok ni minder.
Knûp de lakes oét de raam,
Aan de kant, ik kom d’r aan.
 

Couplet
Ik blief dit jaor ens thoës
dât haj ik ech belaof.
De prikkeldraod dae loog
oét veurzörg in d’n haof.
De achterdeur die woort
gebarricadeerd.
Toen heb ik mâr gewoën
de veurdeur geprobeerd.

Ik probeer ut elk jaor,
mâr zônder mich geijt ut ech ni door.

Couplet
Ik ging in therapie
dât waas de letste haop.
Loog dao op die bank
veel geliék in slaop.
Ut waas de meujte waerd
al haet ut wât gekos.
Dae zielekniéper zei:
'Dich hes en raedje los'.

Ik probeer ut elk jaor,
mâr zônder mich geijt ut ech ni door.