Nog efkes, dan mótte veer gaon sjloete.
Nog efkes, dan is 't weer gedaon.
Nog efkes, ich kin d'r nog neet boete.
Ich laot 'm nog aeve duchtig gaon.
Nog efkes, heel rap det lèste pilske,
dan is 't veurbiej, dan is 't sjloes.
Nog efkes get danse en get sjanse.
Nog efkes, dan mótte veer nao hoes.

Morge, dan is 't weer asgoonsdaag.
Morge, dan is 't weer gedaon.
Laot os nog aeve get d'r naeve laeve,
jao, want morge dan is 't hiej veurbiej.
Laot ós nog aeve get d'r naeve laeve,
dink d'r aan morge, dan is 't ech fini.

Nog efkes, ich mót d'r neet aan dinke.
Nog efkes veul ich mich vogelvriej.
Nog efkes, nog same eine, eine drinke,
de hering in 't zoer kump dunnerbiej.
Nog efkes, ich veul dao kump ein träönke,
veer rope allemaol nog ins alaaf.
Nog efkes ein bietje vastelaovend.
Nog efkes, dan mót de sjmink weer aaf.