Oët de maot

Tekst: 
Peter Jansen
Muziek: 
Hay Geritz
Artiest: 
Jules, Gijs, Willy en Bart
Plaats: 
Venlo
Jaartal: 
2021

Refrein:
Met vastelaovend heej op de straot,
Dao laup ik leever lekker oët de maot,
Zoë ens per jaor, de’s gaaf,
Hiel efkes van det paedje aaf.
De wets asse zoë bezig bis,
Ef “oët de maot” haet zin.
Want as ’t weer aswoensdaag is,
Dan löpse d’r weer lekker in.

Couplet 1:
Dao beej de hermenie, dao woord ik gaar neet blie,
Ik zoog ‘t al geliëk:
Heej löp de ganse kluit wie dae veurop det duit
Persiës op de meziëk.
Det meug gerös, allich, maar dan waal zônder mich:

Couplet 2:
De steis in eine zaal, de huurs ein groët kabaal,
Want Jocus kump veurbeej
Die laupe wie nog nie, hiel netje in de rie,
Eur staatse defilé.
Ik zeen det met bedraag, maar as ik zegge maag:

Couplet 3:
Ik kreeg nao nachgebraak ‘t maedje op mien daak,
Verwiëte, kiër op kiër,
Ik goof um te verstaon al waat ik had gedaon,
Toen kreeg ik ze nog miër,
Maar later kwaam d’n drei, het woel hiel gaer ens mei:

Slot:
Dan löpse d’r weer lekker,
Baals wie eine stekker,
Want ’t kôs neet gekker,
Ôndanks dit gemekker,
Löpse d’r weer lekker in.

Hoort bij: