Ozze Sjaak heet un kefee en doa besjtel ich
pilske, fris, un fricandelke, bitterbal.
Niks speciaals dus, mer wel altiehd sjtikgezellig.
Get biljarte of gewoën get sjele kal.

Now geit de letste tied geregeld wel get mis.
Want meij wit neemus woa zien beer gebleeve is….

Refrein:
Ober, ober, ober.
Det glaas det ich net kreeg, is nauw dus al wer leeg.
En ich heij net zo'n gooije zin.
Ober, ober, ober.
Heej klop iets neet, hees dich un neej, want volges mich
Zit d'r un getje ongerin.

In het begin dach ich nog: och loat toch gewere.
Mer noa verlaup van tieht werd ich get ongerus.
Want sjtiekum lupt de wazel wel in de pepeere.
En ja, d'n dors dae mot toch evegood geblus.

Ich dach, 't is good Sjaak, ich goan noa de concurrent.
Wat bliekt: auch doa klinkt ut geregeld door de tent.

Oehteindelik is toen zelfs de politiek goan greeke.
Joa gek genog, inens ging alles door ein deur.
En oeht ein ongerzeuk, doa is toen oeht gebleke,
dae'n trala kump allein met vastenaovend veur.

Want al die lege glaas, joa wit ge wie det zoot?
Det beer verdwient neet mer ut sjmakt gewoen te good.