Ich zooj best nog waal us efkus beej de Scala
un filmke wille kiêke
Oppe Aapenuutjesrang met groeëte auge
nao di-j berge op ut scherrum
St. Louis, ut patronaatsgebouw, de broeders
dao kosje uch vörrieke
Met wat slummigheid, de Werthabrouweri-j
ut es allang neet mieer

Frens van Polleke, de Film, dae Bertus Luys en
Antje vanne Staasie
Markante Wieerter minse, haatje vreugerhaer
gae zeetj ze now neet mieer
Ut Broene Paerd naeve de kerk, dao kosje nao de mes
beej vrawleef heure gratie
Un pilske dreenke vör un knepke, alle zuntj
woore vörgaeve doeër d'n Hieer

Refrein:
Och, och mien Wieert, waat hesse völ verloeëre
Ut Morregaat, de Hoeege Kei-j, woee bliêftj de tiêt
Och, och mieen Wieert, toch zulse mich altieed bekoeëre
'ch Bin heej geboeëre, gaon ich weg dan krieeg ich spiêt

Kiek ich nôw dan um mich haer, dan zaktj mich aafentôw
de bóks tot oppe knij-je.
Al di-j ploompe blök beton, des op vandaag de trend
ut es al doeëtnormaal
Stroumdje vreuger nog ut water doeër de Singel,
woee now de autoees ri-jje.
Nein gae drejtj de tieed neet trök, de klok tiktj doeër,
al deenk ich soms toch waal.