Oeës lewi-j
Tekst:
M. Bouwmans
Muziek:
Fr. v.d. Heyden
Artiest:
Henk Poel
Album:
Plaats:
Weert
Jaartal:
2000
Hae hieët 't leefste pongelsop met fermesjel.
Nein, dae 'Chinees' of 'Griek', dae zal e neet prebieëre.
Es uut de tiêt van buude, reîpe, peetskernêl,
en deut 't leefste niks as oore klasjenieëre.
Refrein:
As dette kaltj, esj 'n komplieëte litteni-j,
Oeës Lewi-j, Oeës Lewi-j.
Hae es vör os ' 't beste paert van stâl',
verkuiptj allein mer druuëge kâl.
Hae hieët 'n vêrkusnaas en koeëleschuppehang.
Nein, appetiêteluk kujje Lewi-j neet neûme.
Luiptj met z'n boks op hallef zieëve, oeëts vör schang,
en dreugtj e vaal verschoeëte, lila bleumkesheûme.
Met vastelaovuntj gieët Lewi-j op vri-jjerspaat,
want met de leefdje woeëjtj tot noow tow nog neet lökke.
De boks gestrieëke, haor gekemtj, in vól ornaat,
as 'Cassanova' zoeëj te gaer e bleumke plökke.