Refrein: 
Oh wat ing nach Merie
ich höb alling an dich gedach Merie
Want oh, dieng auwe zunt ee wonder
dat makt die nachmerrie biezonder
Oh wat ing nach Merie
dat kump durg dienge leeve lach, Merie
Huls dich mich drie daag sjtevig vas
höb ich van nachmerries ging las

Couplet: 
Soms zeen ich in mieng drueme sjunne nachmeriekes
die loape polonais’ durg mienge kop
ze zinge doezend vastelaoves melodiekes
’t sjunste nachmerieke löp veurop
en mie hart sjleet zoe wie ing dieke trom vur dich
mer sjleet die hartje og zoe hel vur mich

Soms zeen ich in mieng drueme sjunne dansmeriekes
confetti-raege völt da mienge kop
mit raod, gael, greune, gekke, zaate hermeniekes
die vastelaovesklanke die zunt top
en mie hart sjleet zoe wie ing dieke trom veur dich
mer sjleet die hartje og zoe hel vur mich