Oké, oké, ich num 'n tatoeage.
Ich huer dich zigke: 't is 'n rage.
En al riskeer ich 'n blamage,
Ich spendeer vandaag mien gage
Aan 'n anker op mien erm

Of op mien rögk of in de nek,
Of op hieële foute plek.
Aan oppervlakte gein gebrek,
Dus kom, prik mich mèr lek,
Bin ich auch weer ins modern

Of toch gein anker mèr 'n portret,
Van Elvis Presley es cadet.
Missjien Miles Davis mit trompet,
Of toch 'n plaetje van òs Bet,
Ich krieg 't waal opins hieël werm

'T sjteit nurges echt gesjreeve,
Mèr doe mos mitgaon mit d'r tied.
Blief ste hange hoeë ste hings,
Dan raake v'r dich kwiet, dan raake v'r dich kwiet.

Oké, oké, dan num ich auch 'n piercing,
Zoeë 'n bes waal griezelig versierdingk.
Op ein vuurwaarde, vuur ich wieërzing,
Dit blieft dus waal intern, oké?

'T sjteit nurges echt gesjreeve
Mèr doe mos mitgaon mit d'r tied
Blief ste hange hoeë ste hings
Dan raake v'r dich kwiet, dan raake v'r dich kwiet
Hype, 't is de mode, ongesjrieëve code
Sjtilsjtaon is achteroetgaon

En dan raake veer dich kwiet,
Dan raake veer dich kwiet
Oké, Oké
Oké, Oké, Oké
Oké, Oké, Oké, Oké