't Is ee paar joar noe geleie dat ich òp vakantie gòng,
noa de drukke Sjpaanse sjtrande en de werme Sjpaanse zòn.
Ja, ich sjteeg doa oeët de bus en ich rekket mich ins oeht.
Ich versjròk mich doe ing aap, want 't ieësjte wat ich hoeëd:

Refrein:
Olee, bei mie hotel. doa likt ing arena,
mit de sjtieëre, de luuj en de trompet.
Och. dat sjandaal, doa weëd ich nog ins gek va.
Ich geluf nit, dat ich 't hei dis vakans nog red.

Sjmiddigs, an d'r eëtesdusj, d'r sjieke antsòch aangedoa.
Ja, dat mòt òch wirklich zieë, wilste ins òp vakantie goa.
Num ee sjluuksjke va mië glaas, òch dat vleesj, dat mòt ich waal.
Val mit sjtool en al doe um, want ich sjròk va dat kabaal.

's Ovvends muj doe noa gebed, ich bin gans krank va al die zòn.
Ich bin roeëd i mie gezich, zoe wie ing frisj geplògde hòn.
Sjnel wor ich i dreumelank, sjloaped heerlijk en mit row.
Mar doa wòr wer dat sjandaal, ich wòs waal dat 't kome zòw.

Huur ins hei, uur sjnapt 't waal, de naas, die houw ich noe gans vòl.
Pakket sjnel de bus noa heem, ich houw genòg va Sjpaanse lòl.
In ós dörp sjnel noa de tsiep, doa wor karnaval volòp.
Och ich dach, ich weëd nog gek, want doa sjtòng d'r sjlager òp.