Zeen di-j schutters vol bravoer vurbeej marsjieere,
bont gekleidj, vör't hoeëg ge-ierdj publiek.
Kiektj det elegante kuuningspaar passie-ie-re,
op schoeën gespuuëldje mars-muziek.

Refrein:
OLS, gae motj d'r beej zeên.
Laotj ut neet scheete, maaktj um méj.
As di-j schutters gaon marsjieere, dao op Bosseve,
ving djae van eigus eure dré-j.
OLS ... OLS, en gae waetj woeë det ut dit jaor és.
Um d'n UM weurtj noow geschoeëte dao op Bosseve.
Laotj um neet scheete, maaktj um mé-j.

In de tent hejje gein tieêd um weg te droûme.
De muziek dae zetj daen daâg de toeên.
En 't gerstenaat zal zônger stoppe strou-ou-me.
't OLS és wongerschoeên.

Inne wej, dao kan ut spul weer oppe waage.
Aan de boum, dao staon de heldje klaor.
En de vraog és, weêm de spanning kan vurdraa-aa-ge.
Weêm paktj um mej, daen UM dit jaor ?