't Is mich allemaol, allemaol, allemaol om 't aeve
D'r is van vreug toet laat van alles te belaeve
D'r is plezeer genog dus preuf nog van het laeve
Kom drink ins oet dan zal ich der nog eine gaeve

Dao aan de tap van 't kefee dao heursse menig verhaol
De eine haet 't erger as diej angere allemaol
Zien vrouw det hat de mazele, de buurvrouw rooie hondj
Maar ich ich hob maar ein gebrek, det is 'ne dreuge mondj

Doe kinsse waal de verhaole euver al diej anger luuj
Ich weit 't waal, ich heur ze ouch, ze zeen veur mich neet nuuj!
Maar van de ein op angere daag dan gaon ze euver dich
Lach dao dan om en zing dan mit, dink aan diej waord van mich.