Refrein:
Oog vuër ut detaij, oog vuër ut detaij.
Ut zint die klietse-klats-kling-dinger,die ut um dònt.
U eugsjke heij en u sjwinksjke doa, en u hendje vuër,
en u sjouwerklöpke noa, u mülke zoeë en u pütsjke zus,
u tillefoontje, annemoontje, keëtje leef mit grus.
Oog vuër ut detaij, oogvuër ut detaij.
Ut gieëf de lüj ut gruëtsj geveul, dat ze besjtònt.

Vuër hermenie, fanfaar, foetbalkloep,
sjtònt Wies en Joep daag en nag òp d'r sjtoep.
Ze dont dat neet vuër u kompliement,
mar wuër dat noe neet uns verduld attent ?

Mit karneval trökt Haij good va leër.
Vuër anger lüj sjoeft heë wie unne beër.
Heë weëd doavuër noeëts uns good bedankd.
Tog wuër dat sporadies verdomd sjarmant.