emielke thisse woort keplaon
in montfort sjtong zien kirk
dao haet hae doew 'n jaor of teen
mit vaol plezeer gewirk
mer wie os ouch de biebel zaet
oos laeve is bepaold
en thisse woort es bouwpesjtaor
nao sjweikese gehaold

Refrein:
zjwarte toog, 't brilke op
't auwt bonnetje nog oppe kop
zoa zeen ich 'm nog aan d'n eljter sjtaon
of mit ziene fits de berg aaf gaon
oos emielke thisse, auwt-pesjtaor
dae veur zien dorpke 'nen herder waor
neet ummer begreepe, toch dek gewaardeerd
haet hae sjweikese gekristeleerd
neet ummer begreepe, toch dek gewaardeerd
haet hae sjweikese geeerd.

hae zörgde veur zien sjweikese
wiej eine herdershondj
al wakend euver ledeigheid
leep hae ut dörpke rondj
en zaote veer biej fien of sjtiep
jong, dan waor get oet
eesj praekde hae verdoemenis
goof dan ein rundje oet

hae heel 't laeve laevendig
folklore baove al
zag: drenk uch eine sjteivige
ouch mit de karnaval
en zelfs zien eige preesterfees
dat waor neet gans geweun
hae vierde drie maol ellef jaor
hae hauw zao waal zien teuen

hae praekde hel en vagevuur
al wat um neet beveel
hae noom gein blaad veur ziene mondj
es 'r örges neet van heel
en waor emielke thisse ouch
eine zittesje snaak
veur sjweikese blif hae altied
'de geis dae laeve maakt'