Waat zit dao oppe Grauwert, waat vluug dao door de loch
Is det neet ooze uul
't ganse jaor versjaole, 't ganse jaor gezoch
Is det neet ooze uul
Hae hüërt biej os leef Mofert, wie neet mieër hüërt biej weer
Guntj os de vastelaovendj, hae guntj os väöl plezeer
Luuj gaontj spring oet de bandj, ich haaj hiej alles inne handj

Refrein:
Ooze uul, ooze uul, hae waak euver os Moferterlandj
Ooze uul, ooze uul, vanne berg toet inne zandj
Hae vluug euver os dörpke mèt un machsvertoeën
Zuut hae det veer os amezere den dreijt hae ins zoeë sjoeën
Ooze uul, ooze uul, hèldj alles inne handj
Ooze uul, ooze uul, eeder jaor wüërt hae verbrantj
Det maak 'm gaar nieks oet hae euverlaef 't eeder jaor
De èllefde vanne èllefde stuit hae weer veur os klaor

't zinnebeeldj van wiesheid mer domheid aevezieër
Is det neet ooze uul
Zeen ich 'm weer 'ns komme, geniet ich kieër op kieër
Is det neet ooze uul
Kump den alweer de sjemer stuurt honger hem op jach
Mer wake euver Mofert, ouch det wüërt weer verwach
Luuj gaontj spring oet de bandj, ich haaj hiej alles inne handj