Op ’t Vriethof op ’n baank
Höb iech Slivvenhier bedaank
Veur ’t sjoens dat Heer aon miech gegeve heet.
Jao dao bij die aw maosbrögk
Dao voont iech mien groet gelök
Iech weit zeker dat iech dat noets mie vergeet.
In die stad daor aon de Maos
Daor höb iech es keend geraos
Daor ging iech veur ’t iers naor sjaol
Lierde iech mien moojertaol.
Op ’t Vriethof op ’n baank
Höb iech Slivvenhier bedaank
Veur ’t sjoens dat Heer aon miech gegeve heet.

Euver de merret loupe, e rommedoeke koupe
En fijn flanere door de Groet Staat
’t Fórtsje vaan St. Pieter, dat pakt miech bij m’ne mieter
Zien iech dat, weur iech deks vaan vräög zoe zaat…

De hertsjes en de bere, kinne miech ammezere
Es iech zoe ’s Zoondigs door ’t park goon
Zeen iech de Poort Werechteg
Daan weurt ’t miech te mechteg
En kump d’r in mien ouge deks ’n traon…