Zaoterdagmèrge dan duik ik ien mien kast
En zuuk mien un pékske dat ’t mojste bïj mien past
Dan schmink ik mien snuutje en vlecht ènne mojje stèrt
Ik kan host nie mèr wachte want ik wil now nor de Mèrt

Refrein:
Op de Mèrt gôn staon, laoten wij ons lékker gaon
Schunkele hier en daor en keuvele mit mekaor
Dan blieve wij hier mit de hele kraom
Tot we ien den duuster echt nor huus toe motte gaon

Ik zèt gaw ’n pot koffie want ze komme hier bïjén
De minse uut de straot en nog wat vriende die ik ken
’t heele huus zit vol ’t is me ’n gedoe
Want wij gôn mit zien alle nor de Mèrtzitting toe

Wïj hebbe unne paol mit onze naam d’r heel groot op
Zôn dingske mit ’n dienblad en ’n vlag d’r baovenop
En as ge tilleviesie kiekt dan ziede ons dus staon
En kriede ok de kriebels nor de Mèrtzitting te gaon

De Vogelbuurt, de Gennepse Heij ze zien d’r allemôl
Dan kunde zien die groepe hebbe ok hun eige paol
Van Ootersom en uut de Looj ze zien van de partïj
Want op de Mèrt vierde karnaval zij ân zij

‘t TEKST al latter en we hebbe d’r genoeg gehad
D’r zien d’r bïj die zien gewoon toch echt ’n bietje zat
De MUZIEK helt op, de kraon gèt dicht ’t wörd stil vör ’t stadhuus
Dan gaon we toch nog efkes èjjer bakke bïj ons thuus

Op zondag bïj d’n optocht dan zien we mekaor wèr
Ik zie nog wel wat duf mar feeste duuj ik gèr
De Mèrzitting was moj en we zègge tègge mekaor
Wïj kunne host nie wachte tot ’t volgende jaor