Dat sjpringt en zingt op 'ne meter hoeëg bei 't kingerkarnaval.
Dat danst en sjanst op 'ne meter hoeëg op hun eege minibal.
Wenste dat zuus dan deed dich dat good.
Lieëg beij de eëd meh waal van niveau.
Al zint ze mar 'ne meter hoeëg,
beij 't viere zint os klinge groeët.

Ing kingerhank is gauw gevuld, meh neet went 't vasteloavend is.
Al smurges vreug hant ze gee geduld, wille viere tot dat 't oavend is.
Ze gont drin op, ze geëve zich gans, es wuür 't huuj hun letste kans.
Wie vier zelf och hant gezonge, zoeë piepe noe os jonge.

't Kingerbal dat is uniek, umdat 't zoeë sjpiëlenteere geet.
Ze sjoenk'le mit-ee op walsMUZIEK, en ze viere durch tot 't neet mieë geet.
Die klinge, joa die maake 't huuj, ze viere wie de groeëte luuj.
Wie vier zelf och hant gezonge, zoeë piepe noe os jonge.