Op ´ne kawwe wintermörrege
Dee kaom nao bange nach
Waos 't kribbeke vol zörrege,
Veur 't kinneke lang verwach.
En hiemels meziek
Maak 't Moojerke riek
Al is 't in 't stelke ouch errem.
Want ingelezaank,
Brink hiemelse klaank,
En deit 't zoe sjoen zien en werrem.

Slevruike zit te kieke,
Nao 't wiechske op 're sjoet
En veult ziech ao zoe rieke,
Al is in de stal vaol noed.
Want wereldse prach
Is nog neet dao gebrach
Meh al is ouch 't Moojerke errem
Toch wèt ze häör keend,
Al is 't beter geweend
Te dèkke ermeujeteg, meh werrem.

Sint Joezep zit te beie
En kiek op 't kinneke neer,
Dat heij zoe vaol moot leije
Meh brink de vrei us weer.
En herderkes zien
In sjeemer'ge sjien
Vaane keerske klei Zjezeke errem.
Dat lach hun noe touw
En dat maak Slevrouw
't Moojerke, 't hart ao zoe werrem.