Es iech veur de spiegel staon
Ontsnap miech sóms ein traon
Iech dink daan: waor dee spiegel mer groeter
Daan liek iech neet zoe op ‘ne toeter
Meh daan kump miene maan
En dee wèt dao alles vaan
Heer zeet: keend maak ut diech neet zoe zwoer
Zuug wie gere iech nao diech loer

Refrein:
Mèt unne lach vaan oer tot oer
Veul iech miech neet te zwoer
Iech dans door ut leve
Want iech höb zoeväöl te geve
Get miejer spek op de bein
Mej jeh, iech bin aoch mer klein
Had iech mien lengte mer get mèt
Toch zit iech dao eigelik neet zoe mèt
Want iech höb ein sjoen geziech
En dat gief väöl mie gewiech

Gister doog iech nog aon de lijn
Meh dat koste miech väöl pijn
Ut snoop bleef lekker in de kas
En iech had de gansen daag las
Miene maog rommelde d’rop los
Och es iech toch ins ete kos
Noe trèk iech miech dao niks mie vaan aon
En ut lijne is weer vaan de baon