Refrein:
Op zoeë'ne daag es vandaag, begint 't laeve opnuuj
Op zoeë'ne daag es vandaag, da sjtraole alle luuj
Op zoeë'ne daag es vandaag, zint al dien zurg aa de kant
Op zoeë'ne daag es vandaag, is 't gelök op dien hand

D'r zint zoeë va die daag, da kriegste gaaroëts nieks gedao
de hubs bekans de ganse nach gaen aug mieë toe gedao
vamurge al mit 't verkieërde baen oet bed gesjtap
bie 't aadoe va dien sjoon zint alle veters plots geknap...

'T water va de douch waor koud, de koffie väöl te haet
mit vlekke op dien nuuje brook, en op 't taofelklaed
de wagen sjtarte neet, de hows 't leech neet oetgedao
noe mooste op ae kèngerfitske gao...

Dat klink neet good, kump dat waal good
mer jong kom op, howt gowe mood, want....

D'r zint zoeë va die daag, dao gaet besjlis van alles mis
da zit dich alles taege, e begrieps neet wat 'r is
de koffie dae ste drinks is oud, de botterhamme vieës
woeë ieësj gekaokte schink zaot, plekt noe vètte pindakieës

E kumpste s'aoves thoes, veulste dich laeg en biste op
da zint de kinger lestig, haat dien vrouw pien aa heur kop
e wilste gaon geneete van 't voetbal op tv
da vilt inins de zender oet, oh jee