Os mam

Tekst: 
Robert Janssen
Muziek: 
Willem Heldens & Robert Janssen
Artiest: 
3 Kier Nix
Plaats: 
Panningen

Ich heb noet kinne voetballe, in liere waas ich slecht,
van danse, zinge, knutsele brach ich auch niks terech
Ut is de vroag wie of ut kumpt, mer mam die zoog ut neet.
ut waas al vreug un mooder die mich ech noet zakke leet.
Heij ich wir ins get verpruts, os mam die waas toch gruts.

Refrein:
Os mam, vingt mich de biste, os mam die vingt mich good
Os mam, vingt mich de biste, in alles wat ich doot’
Heb ich wir ins get gemakt, is zie wies traone toe gerakt.
Os mam vingt mich de biste, os mam, os mam, die vingt mich good.

Optocht of gemaskerd bal, ich win noet unne pries.
liedjesaovend, LVK, ich maak mich ech niks wies.
Ich kin gin tekste make en bin muzikaal un nul
Toch doot ich mit, tis vur de joeks, jao vur de flauwekul.
Nea, ze kriege mich neet klein. Beij mam staon ich op ein.

En ein dink moog gea weite, jao,det zek ich hiel beslis
gin kwaod woord over mam, umdet os mam de biste is.