Pöther vastelaovesleedje

Muziek: 
Melodie: 'Es war einmal ein treuer Husar'
Plaats: 
Puth

Veer hubbe i Pöth ein eleftal, dat is bekend al euveral.
Van 't voetbalschpeel héet 't gei benul, me tes te mée va flauwe kul.
Van 't voetbalschpeel héet 't gei benul, me tes te mée va flauwe kul.

Wie vastelaovend in aantoch waor, waas hunne plaan al heel gauw klaor.
Pöth moos dit jaor in alle geval eer brenge as, Prins Carnaval.
Pöth moos dit jaor in alle geval eer brenge as, Prins Carnaval.

Ze hubbe de zaak aan 't rolle brach, me toch haw doe gei miensch gedach,
dat hie i Pöth, nao dartig jaor, nog weer ins ech vastelaovend waor.
dat hie i Pöth, nao dartig jaor, nog weer ins ech vastelaovend waor.

Noe Pöthesch, heurt ins alle maol hie: dees daag zét veer alle zörg op zie,
en zinge en schpringe en make schpas, alles eins gezind, wie 't Pöthesch pas,
en zinge en schpringe en make schpas, alles eins gezind, wie 't Pöthesch pas.

Door toedoon van de Narreclub hubbe veer oos auw vastelaovend truk.
En daorom reup noe groot en klein: lang leve de Narre en aog Sjang Ein.
En daorom reup noe groot en klein: lang leve de Narre en aog Sjang Ein.