Pap ich wool uch ens bedanke

Tekst: 
Sjef Diederen
Muziek: 
Sjef Diederen
Artiest: 
Sjef Diederen
Album: 
'Romantiek oet Limburg' - Dureco 11 63522
Plaats: 
Hoensbroek

Refrein:
Pap ich wool uch ens bedanke
Vuur alles wat gier hubt gedoan
Wie gier mich hubt liere laeve
Dat kèn ich noe pas good verstaon
Ich weit noe auch dat van die rumpels
Op eur heng en in 't gezich
Gekomme zin door hèl te wirke
Mer auch door zörg diet gier heit auch um mich

Wit gier nog 't is lang geleie
Wie ich nog zo'n jungske woar
Toen kroop ich bie uch op de kneie
En gier streelde doer mien hoar
Of ver speelde samen paerdje
's Oavens vuur ich sloape gong
Wat woar ich greuts as ich uch hoort zegge
Doe allein bis miene jong

Wit gier auch dat ich joare later
Bie mich zelfs dèks hub gedach
D'r pap doa is neet mie mit te kalle
Ouwerwets woerd toen gezag
Noe nog kin ich uch bewonjere
Dat ger dat verdraage koos
As ich euveral tegenin gong
en altied alle beter wos

Refrein:
Doarum wil ich uch bedanke
Vuur alles wat gier hubt gedoan
Wie gier mich hubt liere laeve
Dat kèn ich noe pas good verstaon
Ich weit noe auch dat van die rumpels
Op eur heng en in 't gezich
Gekomme zin door hèl te wirke
Mer auch door zörg diet gier heit auch um mich