pikkatrillaz- strangers

höbste geine agenda, maak daan gein aofsprake
iech haat dat soort gaste, gein verstand vaan zake
groete waffel, niks dao, e smoesje klaor
miech hèlste neet aon de lijn, iech haw diech kort wie m’n haor
de höbs de oetstraoling vaan ’n tandoontsteking
de wèls shit starte, iech höb startoonderbreking
’t is aon diech aof te zien, de steis roed op de baank
iech stapel de duite, diech de giro’s in de gaank

boe iech vaandan kom is crystal clear
iech verbran caloriën want iech spring op en neer
wie ‘ne heftruc nao ‘t volgende niveau
iech wèrk aon m’n skills want de krijgs ‘t neet kedo
en jao jong, de bis harstikke ech
mer de klinks goojekoup wie ‘ne yokotech
dees shit is ’t summum, soms sleit m’n stum um
de bis irritant es chloor op d’ne pum

wat, diech get beginne tege miech
iech lègk diech plat opte geziech
vergeet neet, iech stoont aon de weeg
vaan al dat gerep in mestreech

en dat wief vaan diech is zelfs veur jambers veul te gaar
nein ze zit neet aon de coke, allein ze mojlt e bitsje raar
de nums diech repper en de späöls mèt d’ne knepper
dee vaan miech is väöl groeter, ‘ne hendege jepper
iech bin ’t leech vaan ’t fees, jao ’n echte aw mem
lui haange aon mien lippe, diech geis droet wie spam
dus blijf oet m'n buurt want dat is zoewie ’t huurt
de wèts de balle vaan miech en niemes luustert nao diech

‘n cd gemaak, door recencisten aofgekraak
batteraove die de groond oonder us veuj weggraove
wijl ze aanders belaove
wèl d’r zeker neet mèt zègke tot veer zoe good kinne reppe
mer veer hawwe uuch bezeg en zoe höb geer gèt te kleppe
altied garrant veur e stökske plezeer
kiek mer nao de lui, die springe geere op en neer
veer zien zeker neet de bèste, mer geer indeg es lètste

wat, diech get beginne tege miech
iech lègk diech plat opte geziech
vergeet neet, iech stoont aon de weeg
vaan al dat gerep in mestreech

‘t zien soplollies en stinkstievels
altied in kostuum en krevat en mèt knievels
ze doen intrèssant mer wie ze ‘t ouch prizzentere
‘t blieve poepzek die niemes zal prifferere
oontembaar wie de liewe, veer zien zoe wie veer sjriewe
us gekeeks haos keuninklek, gedeiltelek gemekelek
aonstekelek, sjöddele veer uzze tekste oet de mouw
en laote diech stoon in de kaw

en dat waor ’t daan, wat voonste de vaan
iech späöl ’t ein op ein, jao maan tege maan
dus haw d’n bavvie of zègk ’t rech in mien geziech
iech zèt diech in d’n hook mèt d’n brook umlieg
de wèts d’r niks vaan en dus weurt ’t aofgekäörd
‘t verdrejje vaan mien wäörd is al get al te dèks gebäörd
iech bin op weeg nao bove en geine hèlt miech tege
diech bis die nómmer ein stranger, hei sjeie us wege

wat, diech get beginne tege miech
iech lègk diech plat opte geziech
vergeet neet, iech stoont aon de weeg
vaan al dat gerep in mestreech

©pikkatrillaz/ straotfees/ shc 2006