Pilskes

Tekst: 
Jos Hanssen
Muziek: 
Jürgen Daemen
Artiest: 
De Patronaatsknöppele
Album: 
De Patronaatsknöppele - ' Laot d'n tap mèr laupe ' - Pebble Music
Plaats: 
Elsloo
Jaartal: 
2001

Zeve pilskes op ein deenblaad, baove op ein krök.
Dae wat ze besjtèld haet kump dae neet mjè trök ?
Sjtaon dao te versjaale, is dat noe gein zunj ?
Zou ze wille pakke, veur mich en veur mien vrunj.

Refrein:
Ich bèn knettergek op pilskes, pilskes gael en blôndj,
pilskes oet d'n tapkraan, drèk in miene môndj.
Ich bèn knettergek op pilskes, pilskes gael en blôndj,
pilskes oet d'n tapkraan rech in miene môndj.

Ich kèn ut neet mjè aanzeen en pak t'r mich gauw tjwè.
Es d'n ober trökkump, dae waet dat toch neet mjè.
Sjöt ze achtereuver, zwa sjnel es mich dat lök,
kiek nog effe rondj en zèt de glaaze gauw weer trök.

Vief pilskes op ein deenblaad, dat is toch neet normaal.
Pak t'r mich nog twjè want 't is mich sjiet-egaal.
Noe sjtaon t'r nog mèr drie, dat is toch gein gezich.
Nummer vief en nummer zès, die zin noe auch van mich.

Mooderzjèl allein sjteit éin pilske op dat blaad.
Ich kèn'm nog waal höbbe, ich bèn nog lang neet zaat.
Zèk doe lekker pilske, ich höb dien vriendjes nog gezeen.
Kom mèr gauw biej mich dan breing ich dich daoheen.