Prinsemarsj

Plaats: 
Heerlerheide

(En) de mèëdjes van Ghen-Heij, oeët Heuls of Goazewei,
die wachte op der nuuje Prins,
(En) de mèëdjes van 'op Jans', die houte ooch van sjans,
Joa, joa, die vrieje ooch mèr ins.

In jieëker pèëdje, ´n anger mèëdje,
biej jieëker pumpke, ´n anger blumke,
onger jieëker lempke, ´n anger vlemke,
dat is ´t lèëve van Prins Karneval!

Refrein:
Prins Karneval, doeë haas de Heij vuur dich,
mè noa vasteloavend, bis doeë alleen van mich.
Ammezeer ôs huuj mèr ins, dit joar bis doeë der Prins.
Alleen deez daag, klinkt ´t alaaf.
Ammezeer ôs huuj mèr ins, dit joar bis doeë der Prins.
Alleen deez daag, klinkt ´t alaaf.