Sigare

Tekst: 
Toine Strouken & Thijs Arts
Muziek: 
Migliacci & Modugno ('Volare')
Artiest: 
Kepsj
Album: 
'Keet in de boet'
Plaats: 
Geleen

Op 'n terras, gezellig mit dich in de zón,
kump 'nne kael en zoa is wie 't begón.
Pak 'nne sjwaegel en sjtik die roukbóm aan.
Tied veur de brandjwaer, noe kiek toch èns wat ènne sjwaam.

Refrein:
Sigare, oh, oh.
Bèndjes sjpaare, oh, oh, oh, oh.
Doe sjtinks 'n oer in de wèndj.
Sjnap neet dat eemes dat lekker vèntj.

Oet de móndj, oet de oare, oet de naas, jao helaas,
kump dae sjtank van dae vieze sigaar.
Jederein dae dat ruuk, raak bepaald neet verruk, zègk dat gerös.
En die vrouw, die get wouw, haet al sjpiet en vilt flauw nao ein kös.

Al dae rouk, dae hink zjwaor, dat is waor, nao 'n oer zit dae sjtank in dien
haor.
Zónne Ha-va-na-sjtek, ruuk neet gek, zègk dat gerös.
En die vrouw, die get wouw, haet al sjpiet en vilt flauw nao ein kös.

Eine kael mit sigaar en colbaer hilt van dae ambiance dao ómhaer.
veult zich ech einen heer en hilt van dae sfeer, zègk dat gerös.
En die vrouw, die get wouw, haet al sjpiet en vilt flauw nao ein kös.