Simsalabim

Tekst: 
Joppe Sangen
Muziek: 
Joppe Sangen
Artiest: 
Ut Elfde
Plaats: 
Heerlerheide

De tovenèër, dèë is-t-erweer, bieë oos op Groeët Ghen Heij.
De kloone danse, sjpringe, joa, bieë oos op Groeët Ghen heij.
De tovenèër, dèe is-t-erweer, en bringt oos gouwe zin.
Dan klinkt ut durch ut ganse durp 'Simsalabim' !!

Refrein:
'Simsalabim', jieëkerinne kint dat zinge.
'Simsalabim', joa, bieë oos op Groeët Ghen Heij.
'Simsalabim', die wuurd, dèe moste kinne.
'Simsalabim', gans Ghen Heij vol toverei,
'Simsalabim' !!

Ut is zoeëwiët, d´r vasteloavend sjtéet weer vuur de duur.
Du èëts get sjpek en ei es boam en gèëft de wange kluer.
Gekleed, geschmickt, get geld op zak, vieër hubbe zin dur-in.
Warempel doa huur ich ut weer: 'Simsalabim'.

D´r optocht gans gevuld mit kluur, de luuj sjtoan riëje diek.
Geweldig vasteloavend, vuur ´n prins en ut publiek.
Op dieënsdig goan de mutsje aaf, vieër pakke alles in.
Ut sjprookje va de tovenèër: 'Simsalabim'.