A is veur Adam, dee deeg 't verkeerd.
B dat is Bert, dee heet niks bijjgeleerd.
C dat is Conny, dee speult toch zoe sjoen.
En de D is veur Diny, want die spant de kroen.
E is veur Erwin, dat is geine Sjeng.
F dat is Frans, dee is good aon de geng.
G is veur Gerda, dat is e sjoen keend.
En de H dat is Herman, dee waor get verweend.

Refrein:
Sjöd ins in, sjöd ins in, kom sjöd nog ins in.
Hijj is 't gezèllig, d'röm hauwe veer pin.
Aon 't bufèt kriege veer nuije mood,
daoröm sjöd nog ins in, daan is alles weer good.

De I is veur Ien, want die had get mit Hans.
J dat is John, dee heet gaar geine sjans.
K is veur Karel, dee waor hiel gaw weg.
En de L dat is Luc, en dee had hiel väöl pech.
De M is Maria, dat is e vriendin.
N dat is Nico, dee heet geine zin.
O is veur Oda, die is erreg snel.
En de P dat is Pie, en dee had e hotel.

De Q is Querien, dee kin iech neet zoe good.
R dat is Ruud, wat heet dee mer väöl mood.
S dat is Sheila, die vint pune neet fijn.
En de T dat is Theo, dee is kastelein.
De U is veur Uschi, die waor gek op miech.
V dat is Victor, dee deeg gere zien pliech.
W dat is Willy, dee heet erreg väöl.
En de X dat is Xander, is dee neet vaan Gäöl.

De Y is Yvonne, die kleijd ziech hiel sjiek.
Z dat is Zeus, en dat waor eine Griek.
Ederein is de revu gepasseerd.
Stómme kal aon de bar, noe dat is toch get weerd.