De welt in miene kop, dae waor hieël groeët, mae ós dörp waor nog ech klein.
Mét d’r kattapult doeër weije, langsj vieëvesj, op stekelbaarsjes vösje zonger lijn,
en zoge v’r Bertus Aafjes op ’t Kesjtieël, da kaom dae kattapult ech’good van pas.
D’r Bertus dae wunsjde ós ’n vootreis nao Rome, raakgesjaote, och wat houwe vieër ’n sjpas.

Sjaatse op de vieëver, ich dräöm waer effe weg,
nao’t dörp hoeë ich bén gebaore, ’t waor toch neet zoeë sjlech

Ich vreuide mich ech jieëker jaor op d’r KKK, (Kasteel Kermis Koers),
wielrenne, dao sjtóng ich vuëraa,
ich kieëk op nao die gesjpierde baen van coureurs oeët d’r Tour,
die fietsde doeër mieën sjpieëlterrein, dat hoosj dae daag “Parcours”

Voetballe, dat dege v’r jieëkere daag, op de sjtraot en biej de club
en houw Gebrook gewónne, da zóng jieëkerae, ’t sjtöbt,
Oefene in de Paludasjtraot, biej Meisjtesj taege de moeër
en waor ich dan opgesjtéld da genoot ich toujour.

Dampde de asfalt op de sjtraote in d’r zoeëmer, da ginge v’r zjwumme op die ouw kapellaonie,
neet allaen óm in ’t water aaf te keule, mae vuër die sjoeëne maedjes, sjtinge vieër in de riej.
Mieën ieësjte si’grét aan de moeër, biej de vétwei, de iesjte friet mét mosterd biej dae rare Donderman,
naeve “van de Wal” ‘ne danszaal oppe Koevender, dao zoog miene pap vuër ’t ieësj mien mam.

Sjaatse op d’r vieëver, ich dräöm waer effe weg,
nao ’t dörp hoeë ich bén gebaore, ’t waor nog neet zoeë slech
Gebrook, dat waor mieën jeug, in de Mette waor ’t ech
sóms wil ich nog waal truuk, maer ’t ieës dat is noeë weg